„Capitol HPS“- ის მთავარი  მიზანია მაქსიმალურად  შეუწყოს ხელი ტურიზმისა და მისი ინფრასტრუქტურის განვითარებას საქართველოში. იგი დაფუძნდა 2016 წელს და შედის „კაპიტოლ ჯგუფის“ შემადგენლობაში, რომელშიც ჩვენი კომპანიის გარდა გაერთიანებულია ყაზახური ინვესტიციების მოზიდვით შექმნილი სხვადასხვა პროფილის (სოფლის მეურნეობა, მშენებლობა, დეველოპმენტი, მენეჯმენტი, ტურიზმი და ა.შ.) კომპანიები. „Capitol HPS“- ი არის ცნობილი ამერიკული სასტუმროების ქსელის — „Best Western Hotels & Resorts“-ის ოფიციალური წარმომადგენელი საქართველოში, რომელიც არის მსოფლიოში ერთ-ერთ უდიდესი სასტუმროების ქსელი  და დღეისათვის თავისი 11 ბრენდის ქვეშ აერთიანებს 100-ზე მეტი ქვეყნის 4100-ზე მეტ დამოუკიდებელ სასტუმროს. „Capitol HPS”- ის ძირითადი ამოცანაა მაქსიმალურად შეუწყოს ხელი „Best Western Hotels & Resorts“-ის  ქსელის გაფართოებას საქართველოში. ბრენდთან თანამშრომლობის მისაღები და მარტივი პირობების გამო,  ჩვენი შეთავაზება საკმაოდ მოთხოვნადი აღმოჩნდა, რაც იძლევა იმის თქმის საფუძველს, რომ ამ ქსელს  გაფართოების კარგი პერსპექტივა გააჩნია მთელი ქვეყნის ტორიტორიაზე.დღეისათვის საქართველოში უკვე გვაქვს „Best Western Hotels & Resorts“-ის ქსელში გაერთიანებული ოთხი მოქმედი სასტუმრო და 2018 წლის გაზაფხულზე დაგეგმილია კიდევ ერთი Best Western-ის გახსნა, ამჯერად ისევ თბილისში . ჩვენი პროგნოზით, „Best Western Hotels & Resorts“-ის ქსელში გაერთიანებული სასტუმროების რაოდენობა 2020 წლის ბოლომდე საქართველოში 10 ერთეულს მიაღწევს, ხოლო ნომრების საერთო ჯამური ოდენობა დაახლოებით 650 ერთეულს. გარდა ამისა, ჩვენი კომპანია  ტურიზმის  სფეროში ინვესტიციებით დაინტერესებულ ფიზიკურ და იურიდიულ პირებს სთავაზობს კონსულტაციებს და დახმარებას სასტუმროებისა თუ სხვა სახის ტურისტული ინფრასტრუქტურის და კვების ობიექტების მშენებლობაში, აღჭურვასა და მართვაში.  დამკვეთის სურვილის შემთხვევაში,  შეგვიძლია მას შევთავაზოთ მომსახურების სრული პაკეტი: დაწყებული პროექტისთვის საინტერესო  უძრავი ქონების მოძიებით და დასრულებული ექსპლოატაციაში შეყვანილი პროექტის მართვით. თუ გაგიჩნდებათ ჩვენთან თანამშრომლობის სურვილი, დაგვირეკეთ ან მოგვწერეთ კონტაქტში მითითებულ ნომრებზე ან მეილზე, ჩვენ კი  შევეცდებით დაგეხმაროთ თქვენი მოთხოვნების დაკმაყოფილებაში, თქვენთვის საინტერესო პირობებით და დაკვეთილი სამუშაოების შესრულების მაღალი ხარისხით. ველით თქვენს გამოხმაურებას.