ხშირად დასმული კითხვები ავტორიზაცია  |  რეგისტრაცია
აბასთუმანი
სამცხე ჯავახეთი
აბასთუმანი
 
აბასთუმანი მსოფლიოში სამთო-ასტროფიზიკური ობსერვატორიითაა ცნობილი. იგი გასული საუკუნის 30-იან წლებში დაარსდა აბასთუმნის მიდამოებში. ობსერვატორია ზღ.დ. 1650 მეტრზე მდებარეობს, სადაც ატმოსფეროს ძალიან მაღალი გამჭვირვალობა ახასიათებს. 
აბასთუმანი სამთო-კლიმატური კურორტია, რომელიც სამხრეთ საქართველოში, აჭარა-იმერეთის ქედის სამხრეთ კალთებზე, თბილისიდან 260 კმ-ზე, ზღვის დონიდან 1800-1840 მეტრზე მდებარეობს. მზის ნათების ხანგრძლივობა 3 ათას საათს აღემატება, რაც ძალიან მაღალი მაჩვენებელია. 
კურორტი გამოირჩევა ჯანსაღი ჰაერით, რომელიც მუქწიწვოვან ტყეებს უკავშირდება. იგი ტუბერკულოზის მკურნალობის ძირითადი კერაა კავკასიაში. აბასთუმანში პრაქტიკულად იკურნება ფილტვების ტუბერკულოზის განვითარების თითქმის ყველა ფაზა. აქვეა სამკურნალო თერმულ-მინე­რა­ლური წყლები, რომელთა ტემპერატურა +400-ს აღემატება. ამ წყლებს უძველესი დროიდან იყენებდნენ სახსრების სამკურნალოდ. 
აბასთუმნის სიახლოვესაა ბორჯომ-ხარაგაულის ეროვნული პარკი, გოდერძის განამარხებული ფლორა, რამდენიმე კურორტი და ათეულობით ეროვნული მნიშვნელობის ისტორიულ-კულტურული ღირს­შესანიშნაობა.
 
ავტორი: გამომცემლობა "კლიო"
 

© 2011-2017, TRAVEL IN GEORGIA.