ხშირად დასმული კითხვები ავტორიზაცია  |  რეგისტრაცია
პალიასტომის ტბა
გურია
პალიასტომის ტბა დასავლეთ საქართველოში, შავი ზღვის სანაპირო ზოლში, კოლხეთის დაბლობზე, ქალაქ ფოთის სიახლოვეს მდებარეობს. იგი ფართობით (18.2 კმ2) მესამე ადგილზეა საქართველოს ტბებს შორის. 
ტბის სახელწოდება ბერძნულიდან მოდის პირდაპირი მნიშვნელობით „ძველ ნაპირს“ ან „ძველ შესართავს“ ნიშნავს. შავი ზღვის უძველესი ყურე, რომელიც ტბად გადაიქცა, 2-კილომეტრიანი სიგანის სანაპირო დიუნური ზოლით ისტორიულ წარსულში საბოლოოდ გამოეყო ზღვას.
ტბაში სამი მდინარე ჩაედინება, ხოლო ერთი _ მდ. კაპარჭინა გამოედინება. ტბის წყლის ტემპერატურული ამპლიტუდა 20 გრადუსს შეადგენს, თუმცა იგი არასდროს იყინება. ტბისთვის წლის სხვადასხვა დროს დამახასიათებელია როგორც ძლიერი ღელვა, ისე წყლის დონის მკვეთრი ცვალებადობა. იგი შავ ზღვაზე განვითარებულ ძლიერ ქარებს უკავშირდება, როცა მისი წყალი სპეციალურად გაჭრილი არხით (ამჟამად კი სრუტით) ტბამდე აღწევს. შავ ზღვასთან დამაკავშირებელი სრუტე 150 მეტრი სიგანისაა. ტბაში ზღვის წყლის შედინების გამო ტბის მარილიანობა 10-ჯერ არის გაზრდილი. 
მარილიანობის მკვეთრმა ცვალებადობამ მყისიერად გაანადგურა აქ მობინადრე მტკნარი წყლის იხტიოფაუნა. ზოგიერთმა სახეობამ, რომელიც ზღვასთანაც იყო დაკავშირებული, შეინარჩუნა საარსებო გარემო. ცნობილია, რომ გასული საუკუნის დასაწყისში აქ მრავლად იყო ლოქო და ქარიყლაპიაც, რაც სრულად განადგურდა. ამჟამად ტბაში რამდენიმე ათეული სახეობის თევზი ბინადრობს, რომელთაგან სარეწაო მნიშვნელობით კობრი და კეფალი გამოირჩევა. 
პალიასტომის ტბა კოლხეთის ეროვნული პარკის მთავარი ობიექტია. რეგიონში მას დიდი რეკრეაციული მნიშვნელობა აქვს.
 
გამომცემლობა "კლიო"
www.klio.ge
 

 




ფოტო გალერეა
© 2011-2017, TRAVEL IN GEORGIA.