ხშირად დასმული კითხვები ავტორიზაცია  |  რეგისტრაცია
მდინარე ჭანჭახი
რაჭა-ლეჩხუმი ქვემო სვანეთი

მდ. ჭანჭახი (მდ. რიონის მარცხენა შენაკადი) სათავეს იღებს მყინვარ ჭანჭახიდან 3025 მეტრ სიმაღლეზე. საკუთრივ მყინვარი მწვერვალ ჭანჭახიდან ეშვება, რომელიც კავკასიონის მთავარი წყალგამყოფი ქედის რაჭის კავკასიონის ფარგლებში მდებაეობს ზღვის დონიდან 4462 მეტრ სიმაღლეზე. იგი არა მარტო ონის მუნიციპალიტეტის უმაღლეს წერტილს წარმოადგენს არამედ რაჭა-ლეჩხუმ ქვემო სვანეთის უმაღლესი წერტილიცაა. მდინარის სიგრძე სათავიდან შესართავამდე 21,6 კმ-ია, ხოლო აუზის ფართობი 185 კმ2 მოიცავს. მდინარე ძირითადად საზრდოობს თოვლის ნადნობი, მყინვარული, მიწისქვეშა და წვიმის წყლით. მდინარის ხეობა გამორჩეულია თავისი ოროგრაფიული წარმონაქმნებით და ღვარცოფული ხევებით, აგრეთვე მიკრო კლიმატითა და მინერალური წყლების რაოდენობით. მდ. ჭანჭახის ხეობაში წარმოდგენილი მცენარეული საფარი ქმნის მიკრო კლიმატს, რომელმაც საფუძველი დაუდო კლიმატურ-ბალნეოლოგიური კურორტ შოვის განვითარებას. ამ ტერიტორიაზე ძირითადად გვხვდება მუქწიწვოვანი მცენარეები მათ შორის ნაძვი, სოჭი და სხვა. აგრეთვე ფოთლოვანი მცენარეები ძირითადად ბუჩქის სახით. 




ფოტო გალერეა
© 2011-2017, TRAVEL IN GEORGIA.