ხშირად დასმული კითხვები ავტორიზაცია  |  რეგისტრაცია
კუს ტბა
თბილისი
კუს ტბა ქალაქის ცენტრიდან სამხრეთ-დასავლეთით,მთაწმინდის ქედის ჩრდილოეთ კალთაზე მდებარეობს.
ქანების მეწყრული დაცოცების შედეგად დაგროვილი მიწისქვეშა ნაკადებით წარმოქმნილი ტბის სიგრძე 180
მ-ია, სიგანე _ 50 მ, სარკის ფართობი _ 0,034 კმ2, აუზის ფართობი _ 0,4 კმ2, საშუალო სიღრმე კი _ 70 სმ.
ზაფხულის დადგომასთან ერთად ტბაზე საბანაო სეზონი იწყება. კომფორტულად მოწყობილ პლაჟთან და ღია საზაფხულო კაფე-ბარებთან ერთად კუს ტბის ტერიტორიაზე მოქმედებს სპორტულ-გამაჯანსაღებელი
და კულტურულ-დასასვენებელი კომპლექსი, რომელშიც შედის ევროსტანდარტების შესაბამისი მინი-ფეხბურთის სტადიონი, ბავშვთა გასართობი მოედანი, სანაოსნო და პროფესიული საკონცერტო სცენა პონტონით, სადაც სეზონის განმავლობაში სხვადასხვა ღონისძიება იმართება. კუს ტბა თბილისელთათვის დასვენებისა და გართობის ერთ-ერთი ყველაზე პოპულარული ადგილია. ბაგირგზა, რომელიც კუს ტბის მიდამოებს ქალაქის ცენტრ - თან აკავშირებდა, XX საუკუნის მეორე ნახევარში აშენდა და 2009 წლამდე ფუნქციონირებდა. ბაგირგზის ზედა სადგური კუს ტბის ნაპირას, ზღვის დონიდან 700 მეტრზე მდებარეობს, ქვედა კი - ვაკის პარკში, 444 მ-ზე. მანძილი სადგურებს შორის დაახლოებით
1140 მეტრია.
 
კუს ტბა
 
მდებარეობა: ქ. თბილისი, მთაწმინდის ქედის ჩრდილოეთი კალთა.
მანძილი: თბილისის ცენტრიდან – 10 კმ.
სიმაღლე ზღვის დონიდან: 687 მ.
რელიეფი: ბორცვიანი პლატო.
კლიმატი: რბილი, კონტინენტური, ზომიერად მშრალი. ზამთარი რბილი, მცირეთოვლიანი. იანვრის საშუალო
ტემპერატურა 0,60ჩ. ზაფხული ცხელი, მშრალი. აგვისტოს საშუალო ტემპერატურა 22,10ჩ. ნალექების საშ. წლიური რაოდენობა: 513 მმ. ჰაერის საშ. წლიური ფარდობითი 
ტენიანობა: 66%.
მზის ნათების ხანგრძლივობა წელიწადში: 2500 სთ.
 
1. კუს ტბა და ქალაქი თბილისი.
 
2. კუს ტბის ფერდობის ჩრდილოეთ ნაწილში განთავსებულია ეთნოგრაფიული მუზეუმი ღია ცის
ქვეშ, რომელიც საქართველოს მინიატიურული მოდელია. 52 ჰა ტერიტორიაზე საქართველოს სხვადასხვა კუთხიდან ჩამოტანილი 70 საცხოვრებელი სახლი და სამეურნეო დანიშნულების ნაგებობა დგას. ქართლის, სამეგრელოს, აჭარის, აფხაზეთის, სვანეთის, ხევსურეთის, კახეთის, მესხეთის, ჯავახეთის, გურიის, იმერეთის, რაჭისა და ლეჩხუმის საექსპოზიციო ზონები მხარეებისთვის დამახასიათებელი სამეურნეო ნაგებობებითა და ნივთებით არის წარმოდგენილი. მუზეუმის მეთოთხმეტე ზონაში დაცულია ისტორიულ-არქეოლოგიური ძეგლები: სიონის წყალსაცავიდან გადმოტანილი V-VI საუკუნეების ბაზილიკა, აკლდამა,
აგრეთვე საფლავის რელიეფურ ქვათა მდიდარი კოლექცია. სულ მუზეუმში 8 ათასზე მეტი ექსპონატია. მთელი
წლის განმავლობაში მუზეუმი მრავალ ხალხურ ფესტივალსა და გამოფენას მასპინძლობს. ქართული ფოლკლორისა და თვითშემოქმედების ყოველწლიური ფესტივალი `არტ-გენი ტრადიციულად
თბილისის ეთნოგრაფიულ მუზეუმში გამართული კონცერტით იხურება.
 
ტექსტი: "საქართველოს 100 კურორტი“
გამომცემლობა "კლიო"



ფოტო გალერეა
© 2011-2017, TRAVEL IN GEORGIA.