ხშირად დასმული კითხვები ავტორიზაცია  |  რეგისტრაცია
შალაური
იმერეთი

მდებარეობს მდინარე ყვირილის მარცხენა მხარეს, მდინარე ლაშურას აუზში, ჩრდილოეთით ესაზღვრება სოფელი მახათაური. სამხრეთით – მდინარე ლაშურას ხეობა და სოფელი გორისა. დასავლეთით _ მდინარე ლაშურას ხეობა და სოფელი გორისა. შალაური აღმოსავლეთით შემოსაზღვრულია არგვეთის თემის სოფელ ბახიოთით.

სოფლის ყველაზე დაბალი ადგილია ჩრდილო-დასავლეთ ნაწილში, მდინარე ლაშურას ხეობაში, სიმაღლე 655 მეტრი, შალაურის უმაღლესი ადგილია, უკიდურეს სამხრეთ-აღმოსავლეთ ნაწილში, საზღვარი სოფელ ბახიოთთან, მდინარე ლაშურას წყალგამყოფი ზემო წელი, ზ.დ. 800 მეტრი. სოფლის ცენტრის სიმაღლე ზ.დ. 710 მეტრია. სოფლის მოსახელე სოფელი შალაური არის აგრეთვე კახეთში, კერძოდ თელავის მუნიციპალიტეტში, მდებარეობს გომბორის ქედის ჩრდილოეთ-აღმოსავლეთ კალთაზე. წარმოადგენს თემის ცენტრი. ზღვის დონიდან 650 მეტრი, თელავიდან 2 კილომეტრი.

სოფელი შალაური დასავლეთიდან აღმოსავლეთისაკენ ვრცელდება საშუალოდ 3_3,5 კმ-ზე, ხოლო, ჩრდილოეთიდან სამხრეთისაკენ დაახლოებით 3კმ-ზე. შალაური შედის არგვეთის თემში, მანძილი  ცენტრამდე 4 კმ-ია, ხოლო მანძილი ქ. საჩხერემდე 12 კმ-ი, სოფელში ცხოვრობს 69 კომლი 222 სულით. ძირითადი გვარებია: ყიფშიძე (საქართველოში ყველაზე გავრცელებულ ათას გვარს შორის ყიფშიძეებს 326-ადგილი უჭირავთ. საქართველოში 2 460 ყიფშიძე ცხოვრობს), ბლიაძე (სახელმოხვეჭილი ქართული მესტვირეების გვარი (XVIII-XIX  სს.). ერთ-ერთ ბლიაძეს იმდენად გაუთქვამს სახელი, რომ „ბლიაძე“ მესტვირის სინონიმად ქცეულა. ა. ჯამბაკურ-ორბელიანის ცნობით, „მესტვირეებს ახლა ბლიაძეს ეძახიან... რადგან საგანგებო მესტვირე ყოფილა რომელიმე ბლიაძე, მისი სახელი მესტვირისათვის დაურქმევიათ“ („ცისკარი“, 1861, № 2). ბლიაძეების მესტვირეობის დიდ ტრადიციას XIX საუკუნის II ნახევრამდე მიუღწევია.); ბუსხრიკიძე, გოგოლიძე, თურმანიძე.

სოფლის მეურნეობის ძირითადი დარგია: მიწათმოქმედება და მეცხოველეობა, სოფელში არ არის  სკოლა. სოფელი საბაზო სკოლით სარგებლობს სოფელ მახათაურში მანძილი 2 კმ, ხოლო საჯარო სკოლით, სოფელ არგვეთში.

შალაურს დასავლეთით ჩამოუდის მდინარე ლაშურა, რომელიც ინტენსიური გვერდითი ეროზიის შედეგად აზიანებს სოფლის სახნავ - სათესს სავარგულებს და საძოვრებს. ლაშე სვანურად ნიშნავს საყანე ადგილს. 

 

ავტორი: გიორგი დვალაშვილი

ყველა უფლება დაცულია


© 2011-2017, TRAVEL IN GEORGIA.