ხშირად დასმული კითხვები ავტორიზაცია  |  რეგისტრაცია
ჭურნალი
იმერეთი

მდებარეობს მდინარე ყვირილის მარცხენა მხარეს, ზეგანზე, ზ.დ. 720 მეტრ სიმაღლეზე.

სოფლის სახელწოდება წარმოდგება სიტყვა ,,ჭურისაგან”, მართლაც სოფლის გარშემო მდებარე ტყეები და ველები ჭურებითაა მოფენილი. სოფელში 1952 წელს ჩატარდა არქეოლოგიური გათხრები და ნაპოვნი იქნა ანტიკური ხანის ბრინჯაოს ქანდაკება ,,ცხენი მხედრით", რომელიც საქართველოს სახელმწიფო მუზეუმში ინახება ამჟამად. ხვნის დროს გუთანს ხშირად მოჰყვება სხვადასხვა სახის კერამიკის ჭურჭელი.

სოფელი ჭურნალი შედის ჭალის თემში, მანძილი ცენტრამდე 6კმ.-ია, ხოლო ქალაქ საჩხერეს დაშორებულია 15 კილომეტრით. სოფლის ფართობი შეადგენს 780 ჰა.

სოფლის მეურნეობის ძირითადი დარგები წარმოდგენილია მეცხოველეობითა და მარცვლეული კულტურების წარმოებით. სიმინდთან ერთად მოჰყავთ ლობიო,  კარტოფილი,  ბოსტნეული კულტურები. ტყეში უხვადაა წაბლი, წიფელი, ზღმარტლი.

სოფელში არის ახლად აშენებული მთავარანგელოზის სახელობის ბაზილიკის ტიპის ეკლესია. სახელმწიფო დაწესებულებები არ არის და სარგებლობს სოფელ ჭალაში, მანძილი 6 კილომეტრი. სოფელში 2008 წლისათვის ცხოვრობდა  კომლი, სული მაცხოვრებელით, 2002 წლის საყოველთაო აღწერის მონაცემებით კი 134 მაცხოვრებელი იყო.

მდინარეები ყვირილა და ჭურნალისწყალი სამკუთხედის ფორმას უქმნიან სოფელს. ღელეებია: ფშანალის ღელე, შეხაშურის ღელე, აბანოსღელე, ახოების ღელე და სხვა. მინდვრებია: ფშანალი, პატარა პერანგა, დიდი პერანგა, ახოები, გუჯაბეთი, ილიკოს გუჯაბეთი და სხვა.

სოფელში არის სამკურნალო წყალი ,,ჭურნალის აბანო"ს სახელწოდებით. წყლის აბაზანა კარგია რევმატიზმით, ეგრეთ წოდებული ქარებით და რადიკულიტით დაავადებულთათვის.

 

ავტორი: გიორგი დვალაშვილი

ყველა უფლება დაცულია


© 2011-2017, TRAVEL IN GEORGIA.