ხშირად დასმული კითხვები ავტორიზაცია  |  რეგისტრაცია
კათოლიკური ეკლესია
თბილისი
თბილისში პირველი კათოლიკური ეკლესია ჯერ კიდევ 1243 წ. ააშენეს დომინიკელმა ბერებმა. გიორგი V ბრწყინვალის მეფობის (1318-1346) პერიოდში რომის პაპის ბრძანებით თბილისში დაარსდა საეპისკოპოსო და აშენდა ხარების სახელობის კათოლიკური ეკლესია, სავარაუდოდ, იმავე ადგილზე, სადაც ის დღეს მდებარეობს (ისტორიული თბილისის ერთ-ერთ შესასვლელთან, კოჯრის კარის სიახლოვეს. ამჟამინდელი გ. აბესაძის ქ. #4). 1795 წ. ირანის შაჰმა აღა მაჰმად-ხანმა თბილისის აოხრებისას კათოლიკური ეკლესიაც დაანგრია. 1804 წ. კავკასიის მეფისნაცვლის პავლე ციციანოვის ინიციატივით შეიქმნა ფსევდოგოტიკური სტილის ახალი ეკლესიის გეგმა, რომლის მშენებლობა 1806 წ. დასრულდა (გალავნისა  1825 წ.). ღვთისმშობლის მიძინების სახელობის ეკლესია მოქმედებდა XX ს. 20-იან წწ-მდე, ვიდრე მას ბოლშევიკები დახურავდნენ. 1998-1999 წწ-ში ეპისკოპოს ჯ. პეზოტის ქტიტორობით ეკლესიას ჩაუტარდა რესტავრაცია და ამოქმედდა.
 

© 2011-2017, TRAVEL IN GEORGIA.