ხშირად დასმული კითხვები ავტორიზაცია  |  რეგისტრაცია
სიახლეები
ტურისტული საინფორმაციო ცენტრების თანამშრომლებს ტრენინგი ჩაუტარდათ
13 თებერვალი, 2018

ტურისტული საინფორმაციო ცენტრების თანამშრომლებმა 5 დღიანი გადამზადების კურსი გაიარეს.

ტრენინგი მათთვის საქართველოში USAID-ის პროექტის „Zrda“ და საქართველოს ტურიზმის ეროვნული ადმინისტრაციის თანამშრომლობის ფარგლებში გაიმართა.

გადამზადების კურსი საქართველოს მასშტაბით არსებული ტურისტული საინფორმაციო ცენტრების 60-მა თანამშრომელმა გაიარა. ტრენინგი ესპანელმა ექსპერტმა კარმენ ალტესმა ჩაატარა. ტურიზმის საერთაშორისო ექსპერტმა ადგილზე შეისწავლა ტურისტული საინფორმაციო ცენტრების საქმიანობა, მოამზადა რეკომენდაციები და ტურიზმის ეროვნულ ადმინისტრაციასთან ერთად შეიმუშავა საინფორმაციო ცენტრების ქსელის განვითარების გეგმა.

როგორც ტურიზმის ადმინისტრაციაში ამბობენ, საერთაშორისო ექსპერტის მოწვევის მიზანია ტურიზმის საინფორმაციო ცენტრებში საერთაშორისო გამოცდილების გაზიარება და მომსახურების ხარისხის ამაღლება.

მონაწილეებს სერთიფიკატები ტურიზმის ეროვნული ადმინისტრაციის ხელმძღვანელმა გიორგი ჩოგოვაძემ გადასცა. 

www.travelingeorgia.ge


© 2011-2017, TRAVEL IN GEORGIA.