ხშირად დასმული კითხვები ავტორიზაცია  |  რეგისტრაცია
სიახლეები
ტურისტული დანიშნულების ადგილების ციფრული მარკეტინგი - თბილისმა სემინარს უმასპინძლა
17 აპრილი, 2018

ციფრული მარკეტინგი ტურიზმში, - ამ თემას მიეძღვნა სასტუმრო „თბილისი მერიოტში“ გამართული სემინარი „ინოვაციური სტრატეგიები“.

სემინარი ტურიზმის ეროვნული ადმინისტრაციის, „ქემონიქს ინტერნეშენალის“ ორგანიზებით და TripAdvisor - ის პარტნიოროებით გაიმართა.

სემინარზე აღინიშნა, რომ დღეისათვის ტურისტული შემოსავლების 60%-ზე მეტი ელექტრონული ტრანზაქციების მეშვეობით მოძრაობს და ყოველწლიურად მზარდი მაჩვენებლით ნახევარ ტრილიონ დოლარს აჭარბებს. აღნიშნული მაჩვენებლის ძირითადი ნაწილი ონლაინ ტურისტულ სააგენტოებსა და გლობალური გადანაწილების სისტემებზე მოდის, თუმცა ტურისტული პროდუქტისა და სერვისის მიმწოდებელი ინდივიდუალური სისტემები ბაზარზე სულ უფრო მნიშვნელოვან ადგილს იკავებს. ეს რეალობა ხელს უწყობს ლოკალურ ბაზარზე გაყიდვებისა და მოგების წილის ზრდას.

თბილისი მერიოტში გამართულ სემინარს ტურისტული სექტორის 200-მდე წარმომადგენელი დაესწრო. 

www.travelingeorgia.ge


© 2011-2017, TRAVEL IN GEORGIA.