ხშირად დასმული კითხვები ავტორიზაცია  |  რეგისტრაცია
სიახლეები
თბილისის მიწათსარგებლობის გენერალური გეგმის მასალები
11 აგვისტო, 2017

დედაქალაქის მიწათსარგებლობის გენერალური გეგმის განახლებაზე მომუშავე ჯგუფმა „სითი ინსტიტუტი საქართველომ“ თბილისის მერიის არქიტექტურის სამსახურს, ხელშეკრულების ფარგლებში მომზადებული მასალები წარუდგინა. მასალების ნახვა შეგიძლიათ ბმულზე

გენგეგმის ძირითადი რეკომენდაციები: 

თბილისის მიწათსარგებლობის გენერალური გეგმა მერიას პარკირების რამდენიმე ადგილს სთავაზობს. თუმცა, გენგეგმის მიხედვით, ქალაქმგეგმარებლების მიერ შერჩეულ ტერიტორიებზე პარკირების ადგილების მოწყობამდე, რანჟირებული გადასახადის დაწესებაა საჭირო.

თბილისის მიწათსარგებლობის გენერალური გეგმა კომერციული ფუქნციის სივრცეებზე გრძელვადიან პროგნოზს აკეთებს. დოკუმენტის მიხედვით, 2030 წლისთვის საერთო მოთხოვნა მიწაზე ამ სფეროში სავარაუდოდ 443 ჰექტარი იქნება, საიდანაც ყველაზე მაღალი წილი - 395 ჰექტარი, ინდუსტრიული უძრავი ქონებისთვისაა გათვალისწინებული.

თბილისის მიწათსარგებლობის ახალი გენერალური გეგმა დეველოპერებს საცხოვრებელი სახლების მშენებლობისთვის პოლიცენტრულ არეალებს და ძველ საწარმოო ტერიტორიებს სთავაზობს.

თბილისის მიწათსარგებლობის გენერალური გეგმის თანახმად, შემდეგ 5 წელიწადში, 1.5 – 2 მილიონი კვ. მ. უძრავი ქონების მშენებლობა დასრულდება, რომლის უმეტესობა საცხოვრებელი შენობება. გენგეგმის ჯგუფი მიიჩნევს, რომ საფრთხეს წარმოადგენს არაკონტროლირებადი ინვესტიციები, განსაკუთრებით კი საცხოვრებელ, კომერციულ და სასტუმროების სექტორში, სადაც შესაძლებელია მიწოდებამ გადააჭარბოს არსებულ მოთხოვნას და მოხდეს ქონების ღირებულების შემცირება.

თბილისის მიწათსარგებლობის გენერალური გეგმა დახურული მდინარეების გახსნას ითვალისწინებს. დედაქალაქში დაახლოებით 56 დახურული მდინარეა, რომელთა გარკვეული ნაწილის გახსნა აუცილებელია.

www.bm.ge


© 2011-2017, TRAVEL IN GEORGIA.