ხშირად დასმული კითხვები ავტორიზაცია  |  რეგისტრაცია
სიახლეები
თბილისი ჩემს მეხსიერებაში - ქართული ანბანი ოფენბახის შრიფტის მუზეუმში
12 ოქტომბერი, 2018

ოფენბახის შრიფტის მუზეუმში ქართული ანბანისადმი მიძღვნილი გამოფენა 18 ნოემბრამდე გასტანს. ეს არის ქართული ანბანისადმი მიძღვნილი ყველაზე მასშტაბური გამოფენა, რომელიც დღემდე ევროპაში მოწყობილა.

ხელოვნების სასახლის ცნობით, 170-მდე უნიკალური ექსპონატი ხელნაწერებს, პირველნაბეჭდ წიგნებსა და რარიტეტულ გამოცემებს აერთიანებს: კოლექციაშია ხელოვნების სასახლის მზრუნველთა საბჭოს თავმჯდომარის არჩილ გელოვანის კუთვნილი XVI-XVII საუკუნეების ხელნაწერები, მუზეუმში დაცული უნიკალური აფიშები და თანამედროვე მხატვართა ნამუშევრები.

გერმანულ პრესაში გამოფენას არაერთი სტატია მიეძღვნა.

გოეთეს უნივერსიტეტის პროფესორი, ხელოვნებათმცოდნე ვიოლა ჰილდებრანდ- შატი: "ეს არის დიდებული გამოფენა, აქ წარმოდგენილი ნივთები უნიკალურია არა მარტო კლიგშპორის მუზეუმისათვის არამედ დასავლური კულტურისათვის, რომელმაც ჯერ კიდევ ძალიან ცოტა იცის ქართული ცივილიზაციის შესახებ. ასეთ გამოფენას სიამოვნებით უმასპინძლებდა ბერლინის, პარიზის, რომის დიდი და სახელოვანი მუზეუმები. ქართული ანბანის მრავალსაუკუნოვანმა ისტორიამ კარგად წარმოაჩინა ქართველი ერის უდიდესი კულტურა".

გამოფენა საქართველოს განათლების, მეცნიერების, კულტურისა და სპორტის სამინისტროს პატრონაჟით იმართება, გამოფენის კურატორები არიან ხელოვნების სასახლის დირექტორი გიორგი კალანდია და ოფენბახის შრიფტის მუზეუმის დირექტორი შტეფან შოლტეკი.

ფოტო: ირაკლი ზამბახიძე.

www.travelingeorgia.ge


© 2011-2017, TRAVEL IN GEORGIA.