ხშირად დასმული კითხვები ავტორიზაცია  |  რეგისტრაცია
სიახლეები
საქართველოში სასტუმროების დატვირთვის კოეფიციენტი იზრდება
12 ივლისი, 2018

2017 წელს საქართველოში სასტუმროების დატვირთვის კოეფიციენტი 62%-ი იყო, რაც წინა წელთან შედარებით 9%-ით არის გაზრდილი.

საქართველოს ტურიზმის სტატისტიკური მიმოხილვის მიხედვით, 2017 წელს ყველაზე მაღალი დატვირთვა აგვისტოში იყო – 88%, სექტემბერში – 85% და ივლისში – 84%, ყველაზე დაბალი იანვარში – 32%, თებერვალში – 36% და დეკემბერში – 41%.

2017 წლისთვის საქართველოს ტურიზმის ეროვნული ადმინისტრაციის მონაცემთა ბაზაში დარეგისტრირებული განთავსების საშუალებების რაოდენობამ 1,955 შეადგინა, საწოლი ადგილების რაოდენობამ 65,943. თბილისი ლიდერია 17,956 (27.2%) საწოლი ადგილით, მას მოსდევს აჭარის რეგიონი – 12,126 (18.4%) რაოდენობით.

თბილისში რამდენიმე საერთაშორისო ბრენდის სასტუმროა: Radisson Blu Iveria Hotel, Tbilisi Marriott, Courtyard Marriott, Sheraton, Holiday Inn, Citadines Apart Hotel, Best Western Tbilisi, Mercure, Hotels and Preference, The Biltmore Hotel. 2017 wels am sias Ibis Styles Tbilisi Center. 2017 წელს ამ სიას Ibis Styles Tbilisi Center დაემატა.
საერთაშორისო ბრენდის სასტუმროები საქართველოს სხვა ქალაქებშიც იწყებენ ფუნქციონირებას. ბათუმში არსებულ საერთაშორისო ბრენდის სასტუმროებს 2017 წელს Wyndham Batumi და Tower Hotel Batumi დაემატა, ხოლო Best Western საერთაშორისო ბრენდის სასტუმროებმა ფუნქციონირება ბაკურიანში, ბათუმსა და ქუთაისში დაიწყეს.

www.travelingeorgia.ge


© 2011-2017, TRAVEL IN GEORGIA.