ხშირად დასმული კითხვები ავტორიზაცია  |  რეგისტრაცია
სიახლეები
«საქართველოში ALL INCLUSIVE ტურისტულ პაკეტებზე მოთხოვნა დაბალია»
08 დეკემბერი, 2017
საქართველოში All Inclusive ტურისტულ პაკეტებზე მოთხოვნა ძალიან დაბალია,- ამის შესახებ საქმის კურსს შემომყვან ტურ-ოპერატორთა ასოციაციის ხელმძღვანელმა ია თაბაგარმა განუცხადა. 

მისი ინფორმაციით, წლებია ამ სექტორში მუშაობს, თუმცა, ამ მიმართულებაზე მოთხოვნა მცირეა. მისივე თქმით, ყველაფერთან ერთად, საქართველოში არ არის შესაბამისი ინფრასტრუქტურა იმისთვის, რომ კლიენტებს All Inclusive პაკეტი შესთავაზონ. 

"ჩვენი ასოციაციის წევრებს თითქმის არავის აქვს ეს პაკეტი. ამის მიზეზი არის ის, რომ ინფრასტრუქტურა არ არის მომზადებული ამისთვის და მეორე, ეს არის ცალკე შეთავაზება, რომელსაც სჭირდება რეკლამირება. 

მაგალითად არ არსებობს ინფრასტრუქტურა შშმ პირებისთვის, სასტუმროები, რესტორნები, გასართობი ცენტრები არ არის ადაპტირებული მათთვის. ვგულისხმობ ხანდაზმულ ადამიანებსაც, რომლებსაც გადაადგილებისთვის სპეციალური საჭიროებები სჭირდებათ",- აცხადებს ია თაბაგარი. 

მისივე თქმით, მისთვის უცნობია, აქვს თუ არა ამ მიმართულებით სტრატეგია სახელმწფოს.
 
ავტორი: სალომე მეცხვარიშვილი
 

© 2011-2017, TRAVEL IN GEORGIA.