ხშირად დასმული კითხვები ავტორიზაცია  |  რეგისტრაცია
სიახლეები
რატომ ამსგავსებს Forbes-ის ჟურნალისტი საქართველოს იტალიას - ცნობილმა გამოცემამ ქართულ ღვინოსა და ტრადიციებზე სტატია გამოაქვეყნა
16 აპრილი, 2018

გავლენიანი ჟურნალი Forbes საქართველოს შესახებ ვრცელ სტატიას სათაურით - „რატომ არის საქართველო ღვინისა და კერძების საინტერესო ტურისტული მიმართულება“ - აქვეყნებს. Forbes-ის ჟურნალისტმა ადამ მორგენტერნმა საქართველოში მოგზაურობაზე მკითხველს შთაბეჭდილებები გაუზიარა.

ავტორი წერს ქართულ ღვინოსა და მრავალფეროვან კერძებზე, აღწერს საქართველოს დედაქალაქის ისტორიულ უბნებს.

„საქართველოში მოგზაურობისთვის ორი სიტყვა ვისწავლე, ეს არის მადლობა და გაუმარჯოს. კიდევ სხვა ფრაზებიც მოვამზადე, მაგრამ გაუთავებელმა კერძებმა, ღვინომ და ნამდვილმა სტუმართმასპინძლობამ დაგეგმილი მარშრუტებიდან გადამისროლა და 3 დღეში სხვა არაფრის თქმა აღარ იყო საჭირო. ქართველი რომ არ ვიყავი მემგონი ეს ხალხმა არც იცოდა.

ჩემი რჩევაა თუ არ გაქვთ შერჩეული სუფრის დატოვების სტრატეგია, ისე ქართულ სუფრაზე არ დაჯდეთ. რესტორანი იქნება თუ სახლი სუფრაზე კერძები არ ილევა, როგორც სამზარეულოს თემატიკაზე მომუშავე მწერალი კარლა კაპალბო წერს ქართველებისთვის სტუმარი ღვთისაა და სუფრაზე სტუმარი პასუხისმგებლობას და სიამოვნებას ნიშნავს. საჭმლის მოყვარულები საქართველოში ნამდვილად გაიხარებენ სხვადასხვა სახის ხორცის, მათ შორის ფრინველის და თევზის კერძებით, ასევე ბოსტნეულით. სადაც არ უნდა წახვიდე ყველგან დააგემოვნებთ სრულიად ახალი პომიდვრის და კიტრის სალათებს, სახლში მომზადებულ ყველს და უგემრიელეს ქართულ პურს. 

საქართველო იტალიას ჰგავს, თითოეულ რეგიონს კერძების საკუთარი ხელწერა აქვს”, – სტატიის ავტორი აღწერს ხაჭაპურს, ხინკალს და სხვა კერძებს.

ადამ მორგენტერნი მკითხველს მოუთხრობს ქართული ღვინის 8 ათასწლოვან ისტორიაზე. აღწერილია ძველი თბილისი, ნარიყალა, აბანოთუბანი და მეტეხი.

forbes-ის ჟურნალისტები საქართველოში ტურიზმის ეროვნული ადმინისტრაციის ორგანიზებით ეწვივნენ. ჟურნალი საქართველოზე კიდევ ერთ სტატიას მოამზადებს, რომელიც ღვინის რეგიონებს, ღვინის მომზადების წესებს და ქართულ მონასტრებს მიეძღვნება.

Photo By Adam Morganstern

www.travelingeorgia.ge


© 2011-2017, TRAVEL IN GEORGIA.