ხშირად დასმული კითხვები ავტორიზაცია  |  რეგისტრაცია
სიახლეები
რაჭა-ლეჩხუმისა და ქვემო სვანეთის რეგიონში ტურისტების რაოდენობა იზრდება
17 აპრილი, 2018

ბოლო ხუთი წლის მონაცემებით, რაჭა-ლეჩხუმისა და ქვემო სვანეთის რეგიონში ტურისტთა რაოდენობა ყოველწლიურად საშუალოდ 22%-ით იზრდება, - ინფორმაციას რაჭა-ლეჩხუმისა და ქვემო სვანეთის აგროტურიზმის განვითარების ასოციაცია ავრცელებს.

ასოციაცია საზოგადოებას ტურიზმის ძირითად დანიშნულებას აცნობს და განმარტავს, რომ საქართველოს ტურისტული პოტენციალი ქვეყნის ეკონომიკის განვითარების თვალსაზრისით მნიშვნელოვანია და გლობალური ტურისტული ბაზრისთვის საკმაოდ მიმზიდველია. „ტურისტული სფეროს გრძელვადიანი წარმატება დამოკიდებულია იმაზე, თუ რამდენად პოზიტიური იქნება ის გამოცდილება, რასაც ტურისტი საქართველოში ჩამოსვლიდან ქვეყნის დატოვებამდე შეიძენს. ტურისტთა კმაყოფილების დონის ასამაღლებლად ქვეყანაში შექმნილია არაერთი პროდუქტი, მათ შორის სახელმწიფოს მიერ დაფინანსებული ტურიზმის საინფორმაციო ცენტრები, რომლებიც საქართველოს ყველა მუნიციპალიტეტში ფუნქციონირებს“, - განმარტავენ ასოციაციაში.

ამავდროულად ასოციაცია რაჭა-ლეჩხუმისა და ქვემო სვანეთის ტურიზმის საინფორმაციო ცენტრების საქმიანობაზე წერს და აღნიშნავს, რომ მათი ძირითადი მიზანია მუნიციპალიტეტის ტერიტორიაზე ტურიზმის განვითარება, მიმზიდველი ტურისტული გარემოს შექმნა ადგილობრივი კულტურული, ეთნოგრაფიული, ეკო-სისტემისა და ბუნებრივი ღირშესანიშნაობების შენარჩუნებით. ამავდროულად ცენტრების მიზანია არსებული ტურისტული და საკურორტო პოტენციალის შესწავლა, ტურიზმის სხვადასხვა სახეობების (კულტურულ–შემეცნებითი, ღვინის, გასტრონომიული, სათავგადასავლო, სალაშქრო, ექსტრემალური, აგრო, ეკო, სპელეო, ‍პილიგრიმული ტურების) განვითარების ხელშეწყობა; ტურისტული პროდუქტისა და სერვისების შექმნა–გაუმჯობესება (სუვენირებისა და ადგილობრივი პროდუქტების მწარმოებლების მოძიება, რეალიზაციის ხელშეწყობა); ადგილობრივ სასტუმროებსა და საოჯახო სასტუმროებთან ურთიერთობა, მონაცემთა ბაზის მუდმივი განახლება; სარეკლამო საინფორმაციო მასალების ( ფოტოები, სტიკერები, ბუკლეტები, ფლაერები, ბროშურები) მომზადება, დაბეჭდვა– გავრცელება; ტურისტების მოზიდვის მიზნით სარეკლამო კამპანიის წარმოება.

www.travelingeorgia.ge


© 2011-2017, TRAVEL IN GEORGIA.