ხშირად დასმული კითხვები ავტორიზაცია  |  რეგისტრაცია
სიახლეები
National Geographic და სამოგზაურო ჟურნალი Touring საქართველოს ტურისტული მიმართულების შესახებ სტატიებს ამზადებენ
19 აპრილი, 2017

“National Geographic Traveler“ და სამოგზაურო ჟურნალ„Touring“-ის იტალიური გამოცემები საქართველოს ტურისტული მიმართულების შესახებ ვრცელ სტატიებს ამზადებენ. ეკონომიკისა და მდგრადი განვითარების სამინისტროს ტურიზმის ეროვნული ადმინისტრაციის ორგანიზებით, საქართველოს ცნობილი იტალიელი ჟურნალისტები ესტუმრნენ. ერთკვირიანი პრესტურის ფარგლებში მედიის წარმომადგენლებმა დაათვალიერეს ბაგრატი და გელათი. ეწვივნენ ბორჯომს, სტეფანწმინდასა და სიღნაღს. კახეთში სტუმრობისას იტალიური მედიის წარმომადგენლები გაეცნენ ღვინის ტრადიციული მეთოდით დაყენების წესებს. თბილისში იტალიური მედიის წარმომადგენლებს ტურიზმის ეროვნული ადმინისტრაციის ხელმძღვანელმა უმასპინძლა, პრესტურის მონაწილეებისათვის გაიმართა კულინარიული მასტერკლასები. იტალიელ ჟურნალისტებს ხაჭაპურის გამოცხობაში გიორგი ჩოგოვაძე დაეხმარა. 

“National Geographic Traveler“-ისთვის ჟურნალისტები საქართველოს კურორტების, ქართული კერძებისა და ღვინის შესახებ 6-10 გვერდიან სტატიას მოამზადებენ. პრესტურის მონაწილეები საქართველოს ავიაკომპანია Wizz Air-ის მხარდაჭერით ეწვივნენ.

www.bm.ge




© 2011-2017, TRAVEL IN GEORGIA.