ხშირად დასმული კითხვები ავტორიზაცია  |  რეგისტრაცია
სიახლეები
„მთაწმინდის პარკი“ ყვავილებისა და დეკორატიული მცენარეების ფესტივალზე გეპატიჟებათ
17 მაისი, 2018

„მთაწმინდის პარკი“ ახალი ღონისძიებისთვის ემზადება. პარკი, რომელიც ზაფხულის სეზონზე თავის სტუმრებს სხვადასხვა გასართობ პროგრამებსა და აქტივობებს სთავაზობს, ამჯერად ყვავილების და დეკორატიული მცენარეების ფესტივალს უმასპინძლებს.

ფესტივალი 19 და 20 მაისს გაიმართება და წარმოდგენილი იქნება ყვავილების მაღაზიები, კომპანიები და სანერგეები.

სტუმრებს შესაძლებლობა ექნებათ შეიძინონ და დაათვალიერონ სხვადასხვა ჯიშის და დასახელების მცენარეები.

ყვავილების და დეკორატიული მცენარეების მოყვარულების გარდა, ფესტივალზე სხვებიც ისიამოვნებენ, რადგან დღის განმავლობაში ბევრი სხვადასხვა ღონისძიებაა დაგეგმილი, 19 მაისს 11:00-დან 14:00 საათამდე სტუმრებს შესაძლებლობა ექნებათ მოუსმინო DJ-ს კომპოზიციებს; 14:00-დან 16:00 საათამდე პერიოდულად გათამაშდება სხვადასხვა კომპანიის დაწესებული პრიზები - მცენარეები, თესლები და ა.შ; 16:00-დან 18:00 საათამდე სცენაზე დაუკრავს გია ფეიქრიშვილის ბენდი.

ასე რომ, მცენარეები გიყვართ თუ არა ამ შაბათ-კვირას „მთაწმინდის პარკს“ აუცილებლად უნდა ესტუმროთ, რადგან ეს თბილისში გართობისა და დასვენების ერთ-ერთი საუკეთესო ადგილია. თავისთვის გასართობს ყველა ასაკისა და გემოვნების ადამიანი იპოვის. ალბათ ისიც იცით, რომ მთაწმინდის პარკი ზღვის დონიდან 770 მეტრზეა და ტერიტორია 100 ჰექტარს მოიცავს. პარკი ექსტრემალურ, საბავშვო და საოჯახო ზონად არის დაყოფილი. აქ არსებული რესტორნები და კაფეები, მაღაზიები, სარელაქსაციო ზონები არჩევანის დიდ თავისუფლებას გაძლევთ.

თუ მხოლოდ გართობა არ კმარა თქვენთვის ამ შემთხვევაში პარკის გარშემო არსებული ტყის რესურსი შესაძლებლობას გაძლევთ სუფთა ჰაერი ისუნთქოთ.

პარკი გამორჩეულია ლანდშაფტით, თბილისზე ხედები შთაბეჭდილებებს კიდევ უფრო ამძაფრებს. პარკში მისვლა სამანქანე გზითაც (თბილისი-ოქროყანის მიმართულება) შეგიძლიათ, თუმცა ჭონქაძის ქუჩიდან ფუნიკულორით აქამდე მისვლა ერთ რამედ ღირს. ქალაქის ეს ერთ-ერთი ისტორიული ღირშესანიშნაობა 1905 წელს აიგო. არის კიდევ ერთი გზაც - საფეხმავლო ბილიკი, რომელიც ერთმანეთთან მთაწმინდის პარკს და ნარიყალის ციხეს აკავშირებს.

www.travelingeorgia.ge


© 2011-2017, TRAVEL IN GEORGIA.