ხშირად დასმული კითხვები ავტორიზაცია  |  რეგისტრაცია
სიახლეები
კულტურის სფეროს გიდები ტრენერებად გადაამზადეს
13 ივნისი, 2018

საქართველოს კულტურული ტურიზმის სფეროს გიდების ასოციაციების მსოფლიო ფედერაციის (WFTGA) 24 აკრედიტირებული გიდი ტრენერი შეემატა. ტრენერებად გადამზადებულმა გიდებმა სპეციალური სერტიფიკატები 15 დღიანი სასწავლო კურსის გავლის შემდეგ მიიღეს.

ტრენინგი ორი ეტაპისაგან შედგებოდა. თეორიული ნაწილის დასრულების შემდეგ პრაქტიკული მომზადების კურსი თბილისის მუზეუმებში, ძველი თბილისის საფეხმავლო და სატრანსპორტო მარშრუტებზე მოეწყო. 

გადამზადების კურსი WFTGA-ს წარმომადგენლებმა გამართეს. კურსის დასრულების შემდეგ გადამზადებული გიდები WFTGA-ს აკრედიტირებული ტრენერები გახდნენ და მათ უფლება აქვთ მომავალი გიდებისთვის გიდის პროფესიის შემსწავლელი კურსი ჩაატარონ.

როგორც ტურიზმის ეროვნულ ადმინისტრაციაში ამბობენ, გიდებისთვის ტრენინგების ჩატარება მომსახურების ხარისხის გაუმჯობესებას ემსახურება.

www.travelingeorgia.ge


© 2011-2017, TRAVEL IN GEORGIA.