ხშირად დასმული კითხვები ავტორიზაცია  |  რეგისტრაცია
სიახლეები
იანვარ-სექტემბერში 46 სასტუმროს მშენებლობა დამთავრდა
14 ნოემბერი, 2017

2017 წლის ცხრა თვეში 225 სასტუმროს მშენებლობის ნებართვა გაიცა. 

"საქსტატის" მიერ "ანალიტიკისთვის" მოწოდებული ინფორმაციის თანახმად, 2016 წლის ცხრა თვეში სასტუმროების მშენებლობაზე 30 ნებართვით ნაკლები გაიცა. 

რაც შეეხება საანგარიშო პერიოდში დასრულებული სასტუმროების სტატისტიკას, 2017 წლის იანვარ-სექტემბერში 46 სასტუმროს მშენებლობა დამთავრდა. 

მათ შორის ყველაზე მეტი - 16 სასტუმროს მშენებლობა დასრულდა აჭარაში, შემდეგ მოდის თბილისი - 11 სასტუმროთი; საანგარიშო პერიოდში 10 სასტუმროს მშენებლობა დამთავრდა გურიაში, იმერეთში - 3, კახეთსა და მცხეთა-მთიანეთში კი 2-2 სასტუმრო ჩაბარდა. შიდა ქართლსა და სამეგრელო-ზემო სვანეთში კი - თითო-თითო. 

საქსტატის ცნობით, საანგარიშო პერიოდში რაჭა-ლეჩხუმში, სამცხე-ჯავახეთსა და ქვემო ქართლში არცერთი სასტუმროს მშენებლობა არ დასრულებულა.

www.bm.ge


© 2011-2017, TRAVEL IN GEORGIA.