ხშირად დასმული კითხვები ავტორიზაცია  |  რეგისტრაცია
სიახლეები
ღვინის სააგენტოს 2018 წლის მთავარი პრიორიტეტი ქართული ღვინის აშშ-ის ბაზარზე დამკვიდრება იქნება
12 იანვარი, 2018

ღვინის ეროვნული საააგენტო ქართული ღვინის ექსპორტის 2017 წლის შედეგებით კმაყოფილია, რამდენადაც ქართული ღვინის ექსპორტმა რეკორდულ მაჩვენებელს მიაღწია და მსოფლიოს 53 ქვეყანაში, 76,7 მლნ ბოთლი (0,75 ლ) ღვინო გაიყიდა.

ღვინის ეროვნული სააგენტოს თავმჯდომარე გიორგი სამანიშვნილი „ამერიკის ხმასთან“ საუბრისას აღნიშნავს, რომ მნიშვნელოვანია ექსპორტის ამ ნიშნულზე შენარჩუნება და მისი კიდევ უფრო მეტად გაზრდა.

2018 წლის პრიორიტეტებს შორის სამანიშვილი ქართული ღვინის ხარისხის ზრდასა და ახალ ბაზრებზე დამკვიდრებას ასახელებს.

იქედან გამომდინარე, რომ ქართული ღვინის გასაღების მთავარი ბაზარი ისევ რუსეთია, სააგენტოში მიიჩნევენ, რომ ბაზრის ამ მიმართულების შენარჩუნება მნიშვნელოვანია.

„ეს არის ძალიან დიდი ბაზარი, სადაც ქართულ ღვინოს დიდი ხანია იცნობენ და აფასებენ, მაგრამ ჩვენი მიზანია არ ვიყოთ დამოკიდებული არა მხოლოდ ერთ ბაზარზე, არამედ ერთ რეგიონზეც. მიუხედავად იმისა,რომ გაყიდვები რუსეთსა და უკრაინაში მნიშვნელოვნად არის გაზრდილი, მაინც გვინდა ქართული ღვინო რეგიონიდან ახალ ბაზრებზე გავიდეს“, - აღნიშნავს „ამერიკის ხმასთან“ ღვინის ეროვნული სააგენტოს თავმჯდომარე.

ბოლო წლებში ღვინის ეროვნული სააგენტო სტრატეგიულ გათვლებს სამხრეთ-აღმოსავლეთ აზიის ქვეყნებზე (სინგაპური, ჰონგ კონგი, ჩინეთი, სამხრეთ კორეა, იაპონია) აკეთებდა, 2018 წელს, ერთ-ერთი მთავარი პრიორიტეტი, ქართული ღვინის ამერიკის შეერთებული შტატების ბაზარზე დამკვიდრება იქნება.

აშშ-ში 2017 წელს აშშ-ში 457 920 ბოთლი ქართული ღვინო გაიყიდა, 2016 წელტან შედარებით ეს მაჩვენებელი 56%-ით არის გაზრდილი. „ამერიკის ბაზარზე ვუმიზნებთ საშუალო (10-15 დოლარი) და საშუალოზე ცოტა მაღალ (15-25 დოლარი) საფასო სეგმენტს და ვფიქრობთ, რომ წელს ექსპორტს მინიმუმ გავაორმაგებთ და ერთ მილიონ ბოთლს გავყიდით,“ - ამბობს სამანიშვილი.

www.travelingeorgia.ge


© 2011-2017, TRAVEL IN GEORGIA.