ხშირად დასმული კითხვები ავტორიზაცია  |  რეგისტრაცია
სიახლეები
ღვინის ქურდები: ქართული ღვინო უცხოეთში იაფად, 2,2 დოლარად იყიდება
12 იანვარი, 2018

კომპანია „ღვინის ქურდების” გათვლებით, ერთი ბოთლ ქართული ღვინის ფასი უცხოეთის ბაზრბზე 2.2$-ია. კომპანიაში მიიჩნევენ, რომ ეს ძალიან დაბალი ფასია ღვინის აკვნის სტატუსის და შეზღუდული წარმადობის გამო.

კომპანიაში გათვლას 2017 წლის ღვინის ექსპორტის მაჩვენებელით აკეთებენ და აღნიშნავენ, რომ ექსპორტირებული რაოდენობის (170 მლნ დოლარი 76.6 მილიონი ბოთლი ღვინო) დაახლოებით 25%-ს შეადგენდა ძვირადღირებული ადგილწარმოშობის ღვინოები ( ქინძმარაული, მუკუზანი, ახაშენი, ხვანჭკარა, ტვიში).

„ლოგიკურად ამ ღვინოების გარეშე, ბოთლი ღვინის საშუალო ფასი 2.2$-ზე გაცილებით ნაკლები იქნება. ამასთან ერთად უნდა გავითვალისწინოთ, რომ ზოგიერთი ჯიშის ღვინის მილიონობით ბოთლის წარმოება შეუძლებელია“, - განმარტავენ კომპანიაში.

რაც შეეხება საექსპორტო ბაზრებს, „ღვინის ქურდებში“ მიიჩნევენ, რომ საქართველომ თავის დამკვიდრება მაღალ საფასო სეგმენტში უნდა დაიწყოს.

„ჩინეთი - ჩინეთში ღვინის სმის კულტურა ფეხს ახლა იდგამს და ამ ბაზრის ათვისებაზე ჩვენს გარდა ბევრი ქვეყანაც ფიქრობს. სავარაუდოდ დაბალფასიან სეგმენტში ქართული ღვინის წარმატება დროში მდგრადი ვერ იქნება, რადგან იქ უკვე არსებობენ უპირობო ლიდერები ( ჩილე, არგენტინა, მოლდოვა, ავსტრალია).

რუსეთი - ეკონომიკური ბერკეტების საოკუპაციო ინსტრუმენტად გამოყენება და მისი საბჭოთა კავშირის დროინდელი ემოციური კავშირი ქართულ "კომპოტთან" არასტაბილურია და ამავდროულად ხარისხის განვითარებას აფერხებს.
ვფიქრობ რომ ხარისხში კომპრომისი არ უნდა დავუშვათ და ჩვენი ადგილის ძებნა შედარებით მაღალ საფასო / უკეთეს ხარისხობრივ სეგმენტში გავაგრძელოთ“, - წერენ კომპანიის FB-ის გვერდზე.

www.travelingeorgia.ge


© 2011-2017, TRAVEL IN GEORGIA.