ხშირად დასმული კითხვები ავტორიზაცია  |  რეგისტრაცია
სიახლეები
ახალი ბერლინი - არსებობს რამდენიმე მიზეზი, რის გამოც საქართველო თქვენს ფიქრებში აუცილებლად უნდა იყოს
14 ნოემბერი, 2017

არსებობს რამდენიმე მიზეზი, რის გამოც საქართველო თქვენს ფიქრებში აუცილებლად უნდა იყოს - სტატიას საქართველოს შესახებ გამოცემა Vogue აქვეყნებს. 

გამოცემა აღნიშნავს, რომ საქართველოში რამდენიმე კულტურის შეჯახება ხდება, რამდენადაც ქვეყანას რუსეთი, თურქეთი, სომხეთი და აზერბაიჯანი ესაზღვრებიან, მასთან, ახლოს მდებარეობს ირანიც. 

"არაბებმა, რუსებმა და ოტომანებმა აბრეშუმის გზის გავლით ამ ტერიტორიაზე გაიარეს და საკუთარი კვალი დატოვეს. 

საქართველომ, რომელიც საბჭოთა კავშირში შემავალი ქვეყანა იყო, რუსეთისგან დამოუკიდებლობა 1991 გამოაცხადა. ქვეყანაში 1997 წელს 1500 ვიზიტორი ჩადიოდა, 2016 წელს კი საქართველომ მეექვსემემილიონე ტურისტის მიღება აღნიშნა",- წერია სტატიაში. 

გამოცემა აღნიშნავს, რომ აშშ-ის პრეზიდენტს დონალდ ტრამპს თავის დროზე ჰქონდა მცდელობა ქვეყნის საზღვაო ქალაქ ბათუმში, რომელიც მალე ქართული რივიერა გახდება, ახალი ცათამბჯენი აეშენებინა. 

აქვე მითითებულია, რომ 2015 წელს the New York Times-მა საქართველო შეიყვანა 52 ლოკაციაში, რომელსაც აუცილებლად უნდა ესტუმროთ. 

"გასაოცრად მშვენიერია საქართველოს დედაქალაქ თბილისში ჩამოსვლა. ღამით თქვენ შეგიძლიათ უძველესი მსოფლიო საოცრებების დანახვა: დიდებული სკვერები, ქალაქის კედლები, ციხესიმაგრეები. დღისით კი აქ ბევრ სხვადასხვა ხანას და სხვადასხვა მიმართულებას აღმოაჩენთ“,- ნათქვამია სტატიაში. 

სტატიის ავტორი წერს რომ, თბილისში შეხვდებით ქვაფენილიან ქუჩებს, ორთოდოქსულ ეკლესიებს საბჭოთა შენობების გვერდით. 

გამოცემა სტატიაში აბანუთუბანსაც უთმობს ადგილს. ასევე საუბარია კალაუბანზე, სადაც უამრავი კაფე, ღვინის ბარი და მაღაზია მდებარეობს. აქვეა ნარიყალა, მეოთხე საუკუნის ციხესიმაგრე. 

Vogue წერს, რომ ქალაქში რამდენიმე ადგილია, რომელიც აუცილებლად უნდა მოინახულოთ. მათ შორის გამოცემა გამოყოფს სამების საკათედრო ტაძარს. 

"სამების წმინდა საკათედრო ტაძარი ისეთვე სუნთქვისშემკვრელია, როგორც ტაჯმაჰალი. განსაკუთრებით შოკისმომგვრელია ის, რომ ეს ტაძარი სულ ახლახანს 1995 წლიდან 2004 წლამდე პერიოდში აშენდა. ტაძარი ისტორიულ ავლაბარში მდებარეობს და მსოფლიოში მესამე ყველაზე მაღალი ორთოდოქსული ეკლესიაა",- ნათქვამია სტატიაში. 

აქვე აღნიშნულია, რომ აბანოების დათვალიერება როგორც გარედან, ასევე შიგნიდან უნდა მოხდეს. გამოცემა იხსენებს, რომ რუსი პოეტი პუშკინი აბანოების ერთ-ერთი მომხმარებელი იყო. 

"არაჩვეულებრივი ხედების დათვალიერება რამდენიმე ადგილიდან შეიძლება. მთაწმინდაზე ასვლა ფუნიკულიორითა და მანქანით არის შესაძლებელი. მთაწმინდის პლატო და ფუნიკულიორის კომპლექსი კი ლოს-ანჯელესის მსგავს გასაოცარ ხედს შლის. 

ფუნიკულიორის რესტორანში ქართული ტრადიციული კერძის ხინალის და ხაჭაპურის მირთმევა შეგიძლიათ. ეს არის კერძი, ყველითა და კვერცხით და ის ბევრად უფრო გემრიელია, ვიდრე ჟღერს",- წერია სტატიაში. 

სტატიაში რამდენიმე ლოკაციაზეა საუბარი, მათ შორის ფაბრიკაზე, Rooms Hotel-ზე, ლოლიტაზე, ოპერასა და სხვა დაწესებულებებზე. 

"საქართველო ძალიან სწრაფი ნაბიჯებით მიიწევს წინ, რომ ხვალ ახალი ბერლინი ან პრაღა გახდეს. გირჩევთ, რაც შეიძლება სწრაფად ეწვიოთ მას, რამდენადაც მალე ეს აზრი თავში უამრავ ადამიანს მოუვა",- წერს გამოცემა.

www.bm.ge


© 2011-2017, TRAVEL IN GEORGIA.