ხშირად დასმული კითხვები ავტორიზაცია  |  რეგისტრაცია
სიახლეები
ავტობანი ზესტაფონს ჩრდილოეთიდან შემოუვლის (VIDEO)
11 იანვარი, 2018

ავტობანი ქალაქ ზესტაფონში აღარ გაივლის.

საავტომობილო გზების დეპარტამენტის დაკვეთით უკვე მომზადდა ალტერნატიული დერეფნის გეგმა, რაც ითვალისწინებს ხეობაში ახალი გვირაბების და ხიდების დახმარებით 4 ზოლიანი გზის გაყვანას.

საუბარია შორაპნიდან არგვეთამდე ახალი გზის გაყვანაზე, რომელიც ქალაქ ზესტაფონის ჩრდილოეთით გაივლის. გზა ითვალისწინებს ახალი გვირაბის გაჭრასაც. .

ხევი-უბისა-შორაპანი-არგვეთას ახალ საპროექტო მონაკვეთზე სულ დაგეგმილია 20 გვირაბის მოწყობა - 9 გვირაბის (საერთო სიგრძით 6880მ) თბილისი-არგვეთას და 11 გვირაბის (საერთო სიგრძით 5470მ) არგვეათა- თბილისის მიმართულებით. ასევე დაგეგმილია თბილისი-არგვეთას მიმართულებისთვის ორი არსებული გვირაბის გამოყენება.

პროექტის ძირითად კონსტრუქციებს წარმოადგენს ხიდებიც, რომლებიც გადაკვეთს ხეობას, მდინარეებს და სხვა დაბრკოლებებს. სულ დაგეგმილია 34 ხიდის მოწყობა (16 არგვეთა - თბილისის და 18 თბილისი არგვეთას მიმართულებით).

პროექტირების მიზნებისთვის საპროექტო გზის მონაკვეთი სამ ნაწილად (ლოტად) დაიყო:

F2 – ბორითი-ხევი, დამფინანსებელი აზიის განვითარების ბანკი (ADB),

F3 – ქვ-წევა-ბორითი, დამფინანსებელი ევროპის საინვესტიციო ბანკი (EIB),

F4 – არგვეთა-ქვ.წევა, დამფინანსებელი იაპობის საერთაშორისო თანამშრომლობის სააგენტო (JICA).

პროექტები საჯარო განხილვისთვის უკვე წარდგენილია. განხილვა 22 თებერვალს გაიმართება.




© 2011-2017, TRAVEL IN GEORGIA.