ხშირად დასმული კითხვები ავტორიზაცია  |  რეგისტრაცია
სიახლეები
აშშ-ის სამოგზაურო რეკომენდაციებში საქართველო უსაფრთხო ქვეყნების ჯგუფშია
12 იანვარი, 2018
აშშ-ის სახელმწიფო დეპარტამენტმა ამერიკელი მოგზაურებისთვის უსაფრთხოების ახალი რეკომენდაციები გამოაქვეყნა. საქართველო პირველ, ყველაზე უსაფრთხო ქვეყნების ჯგუფში მოხვდა. 

პირველ ჯგუფში მოხვდნენ ქვეყნები, სადაც უსაფრთხოების სტანდარტული ზომების დაცვაა საკმარისი. ამერიკის სახელმწიფო დეპარტამენტი თავის მოქალაქეებს მოუწოდებს, ოკუპირებულ სამხრეთ ოსეთისა და აფხაზეთის რეგიონებში არ იმოგზაურონ. 

ამასთან, ამერიკა თავის მოქალაქეებს სიფრთხილის გამოჩენისკენ მოუწოდებს კერძო ან სამარშრუტო ტაქსით მგზავრობისას; საქართველოს დახასიათებაში ვკითხულობთ, რომ თბილისს გარეთ სამედიცინო დაწესებულებების სიმწირეა. ამასთან, აღნიშნულია, რომ საქართველოში საგზაო ინფრასტრუქტურის გათვალისწინებით ღამით მგზავრობა საშიშია. 

პირველ, უსაფრთხო ჯგუფში საქართველოსთან ერთად ისეთი ქვეყნები მოხვდნენ, როგორიცაა კანადა, შვეიცარია და ყველა აღმოსავლეთევროპული ქვეყანა. 
 

© 2011-2017, TRAVEL IN GEORGIA.