ხშირად დასმული კითხვები ავტორიზაცია  |  რეგისტრაცია
სიახლეები
Black Sea Arena-ზე სეზონი იტალიელი კომპოზიტორის, ენიო მორიკონეს კონცერტით გაიხსნება
16 მაისი, 2018

Black Sea Arena-ს 2018 წლის სეზონი ლეგენდარული იტალიელი კომპოზიტორის, ენიო მორიკონეს კონცერტით გაიხსნება.

Check in Georgia-ს ფარგლებში დაგეგმილი ყველა კონცერტი და ფესტივალი საქართველოს დამოუკიდებლობის აღდგენის 100 წლის იუბილეს მიეძღვნება. ღონისძიების დეტალებზე საქართველოს ბანკის სათაო ოფისში ტურიზმის ეროვნული ადმინისტრაციის ხელმძღვანელმა გიორგი ჩოგოვაძემ, Black Sea Arena-ს დირექტორმა ანი კავლელიშვილმა და საქართველოს ბანკის წარმომადგენელმა ხათუნა კაკაბაძემ ისაუბრეს.

Check in Georgia-ს ღონიძიებები „საქართველოს ბანკის“ პარტნიორობით იმართება. 
2018 წლის სეზონის გახსნაზე ენიო მორიკონე, რომელსაც 600-მდე მუსიკალური ნაწარმოები აქვს შექმნილი, Black Sea Arena-ზე მსოფლიოში ერთ–ერთ საუკეთესო, რომის სიმფონიურ ორკესტრსა და თბილისის ოპერის გუნდთან ერთად წარდგება. ცნობილი კომპოზიტორი შეკვეთილში მდებარე არენის სცენაზე კონცერტს საკუთარი მოღვაწეობის 60 წლის იუბილესადმი მიძღვნილი ტურნეს ფარგლებში გამართავს.

„ბლექ სი არენას“ წლევანდელი მუსიკალური ზაფხულის არასრული სია ასე გამოიყურება:

19 მაისი, სეზონის გრანდიოზული გახსნა – Ennio Moricconeრომის სიმფონიურ ორკესტრსა და თბილისის ოპერის გუნდთან ერთად

7 ივლისი – ვახტანგ და ჯანო კახიძეების მუსიკალური საღამო

28 ივლისი – ნანი ბრეგვაძის შემოქმედებითი საღამო, სპეციალური სტუმარი, „გრემის“ მფლობელი ბრწყინვალე ამერიკელი მესაყვირე, Chris Botti.

4 აგვისტო – ცნობილი პიანისტის,გიორგი მიქაძის პროექტი „VOISA“
11 აგვისტო – ანსამბლ„შვიდკაცას“ და ამერიკული ვოკალური ჯგუფის, 8 „გრემის“ მფლობელიTake Six–ისერთობლივი კონცერტი

16 აგვისტო – ჯგუფ „სახის“ და Poetry ‘N’ Motion–ის ერთობლივი კონცერტი

21 აგვისტო – ნინო ქათამაძის სოლოკონცერტი

28 აგვისტო – ცნობილი ქართული მიუზიკლი, „ჩხიკვთა ქორწილი“

უახლოეს პერიოდში ასევე გახდება ცნობილი, რომელი უცხოელი ვარსკვლავი ეწვევა „ბლექ სი არენას“ 25 აგვისტოს.

შეგახსენებთ, რომ „ბლექ სი არენაზე“ 30 ივნისსა და 1–ელ ივლისს ასევე დაგეგმილია ბრიტანელი ლეგენდარული მუსიკოსის, ელტონ ჯონის კონცერტები, რომლებსაც SOLO წარმოგიდგენთ.

www.travelingeorgia.ge


© 2011-2017, TRAVEL IN GEORGIA.