ხშირად დასმული კითხვები ავტორიზაცია  |  რეგისტრაცია
სიახლეები
საქართველოში Booking.com-ის ოფისი გაიხსნება
13 ივნისი, 2015

სასტუმროების ონლაინ დაჯავშნის პორტალ ი Booking.com საქართველოში შემოდის. თბილისში მისი რეგიონული ოფისი 2015 წლის ბოლომდე გაიხსნება. კომპანიას ამ ეტაპზე ვაკანსიები აქვს გამოცხადებული და თბილისში სასტუმროების კოორდინატორსა და ფინანსურ მენეჯერს ეძებს.

Booking.com-ის ადმინისტრაციის ინფორმაციით, სასტუმროების ბიზნესი ძალიან მზარდია, შესაბამისად, მათ საქართველოში შემოსვლაც გადაწყვიტეს.

Booking.com 1996 წელს დაარსდა. ამჟამად, პორტალის მეშვეობით ყოველდღიურად 750 ათასზე მეტი ნომერი იჯავშნება. ვებგვერდით მთელი მსოფლიოს მასშტაბით, როგორც რიგითი მოქალაქეები, ისე ბიზნესსექტორის წარმომადგენლები სარგებლობენ.

ონლაინ დაჯავშნის პორტალი 40-ზე მეტ ენაზეა ხელმისაწვდომი და მომხმარებელს მსოფლიოს 210 ქვეყანაში წარმოდგენილ 566 189-ზე მეტ დაწესებულებას სთავაზობს.

ავტორ(ებ)ი : მარიამ გეგეჭკორი
 

© 2011-2017, TRAVEL IN GEORGIA.